Дүдү машин хөтөлбөрийг өргөн хүрээнд зохион байгуулахад санхүү мөнгөний хүндрэлтэй асуудал  тулгардаг тул бид энэ асуудлыг шийдвэрлэж, үйл ажиллагаагаа саадгүй явуулж санхүүгийн тодорхой эх үүсвэртийг бүрдүүлэх үүднээс 2010 онд хүүхдийн гэрэл зургийн “ДҮДҮ СТУДИ”-ийг байгуулан ажиллаж байна.

Студи нь хүүхдийн гэрэл зураг авалтаараа олонд танигдаж, тогтмол үйлчлүүлэгчиддэй болсоны зэрэгцээ 2011 оноос видео зураг авалтын үйлчилгээг эхлүүлээд байна.

Өнгөрсөн хугацаанд студи нь НҮБ-ын Хүүхдийн Сангийн захиалгаар “Бид нэг ертөнцийн хүүхдүүд”, “Инээж буй хүүхэд” зэрэг видео бүтээлүүд, “Уур амьсгалын өөрчлөлт-Хүүхэд залуучуудын шийдэл” төслийн танилцуулга, Хүүхдийн оролцооны байгууллагуудын зорилтот рекламууд, МСХ-ны 20 жилийн ойд зориулсан “Монголын Скаутууд 20 жил” баримтат кино зэргийг хийж гүйцэтгээд байна.

Энэ жилээс эхлэн Дүдү студи нь гэрэл зураг сонирхогч хүүхэд залуучуудад зориулсан олон талт сургалтууд, гарын авлага, фото зургийн уралдаануудыг тус тус зохион байгуулахаар бэлтгэж байна.