Машины үндсэн их биеийг нарс модоор хийнэ

Дүдү машины албан ёсны стандарт  дугуй болон гол төмөр (хадаас)-ийг хэрэглэнэ.

Машины нийт жин хамгийн ихдээ 140гр байна.

Машины урт нь хамгийн ихдээ 17.5см байна.

Машины өргөн хамгийн ихдээ 7.5 см байна

Дугуй хоорондын зай 4.5 см байна. /баруун зүүн дугуйны дотор талаас хэмжинэ/

Урд хойд тэнхлэгийн хоорондын зай нь 11см – 11.5см байна.

Машины их бие нь газраас 1.2см зайтай байна.

Дугуйн гол тэнхлэг нь газраас 1.5см зайтай байна.

Машины загвараас шалтгаалан нэмэлт тоноглол, хүндрүүлэгч деталийг өргөнөөр ашиглаж болох бөгөөд энэ нь машины нийт жингийн талаас илүүгүй байна.

Машины 4 дугуй нь чөлөөтэй өнхөрч байхаар хийгдэх ба нэмэлт хүчлүүр, цахилгаан хөдөлгүүр зэргийг ашиглахыг хориглоно.

Машин бүр уралдаанд оролцохоос өмнө тусгай хороогоор шалгуулах ёстой. Хэрэв бүртгэлийн явцад шалгуурт тэнцэхгүй машин гарвал уг машины жолоочид шалтгааныг нь тайлбарлаж засвар хийх хугацаа олгодог.

Албан ёсны уралдаан тэмцээнүүдэд /Нээлттэй тэмцээнээс бусад/ Дүдү машин жолоочийн үнэмлэхтэй хүүхдүүд оролцоно.

Зураг орно. /зааварчилгаа дээр байгаа/

        Анхаарах зүйлс:  

Машин нь дээрх стандарт хэмжээнүүдэд нийцэж байвал хэлбэр дүрс, дизайн чимэглэл ямар ч байж болно.

Машинаа бүтээхдээ насанд хүрэгчдийн дэмжлэгийг авч хийх бөгөөд, зүлгүүрдэх, наах, будах, чимэглэх гэх мэт өөрийн хийж чадах зүйлсэд заавал гар бие оролцсон байх шаардлагатайг анхаарна уу.

Албан ёсны уралдаан тэмцээнүүдэд оролцохын тулд өөрийн насанд тохирох ангилалын жолоочийн үнэмлэхийг авсан байх шаардлагатай.

Дүдү машины “Албан ёсны уралдаан”-ууд нь 5-17 насны бүх охид хөвгүүдэд хамаарна.