Дүдү машиныг бүрэн хатаагдсан нарс модоор хийх ба өөрийн сонгосон загварын дагуу хүссэнээрээ өөрчлөн зорж, хөрөөдөж, урлах боломжтой. Машиныхаа жинг тохируулахын тулд нэмэлт тоноглол, хүндрүүлэгч деталь зэргийг өргөнөөр ашиглах боломжтой боловч стандартад заасан хэмжээнээс хэтрүүлж болохгүйг анхаарна уу. 

Машинаа бүтээхдээ доорх дарааллыг баримтлаарай.

 Өөрийн бүтээх гэж байгаа машинаа дүрслэн бодсон бол ямархуу хэлбэр дүрстэй, өнгө будагтай байхыг  цаасан дээр буулган зурах хэрэгтэй.

Сонгосон болон зурсан загвараа бэлдэц модон дээрээ балын харандаагаар зурна.

Зургийн дагуу хэрчих, зорох зэрэг ажлууд нь гар хөрөө болон модны өрөвтлөөр хийгдэх ба ажил дуусмагц зүлгүүрээр сайтар өнгөлөх хэрэгтэй.

Зүлгүүр болон өнгөлгөөний ажлаа гүйцэтгэсний дараагаар машины будгийн ажил эхлэх бөгөөд Дүдү машинд хамгийн тохиромжтой будаг нь Акрилк болон зориулалтын шүршдэг будаг юм.

Будахдаа эхлээд үндсэн суурь өнгөө тавих бөгөөд хатсаны дараа зөөлөн зүлгүүрээр дахин өнгөлөөд хоёр дахь удаагаа будна.

Суурь будгаа бүрэн хатсаны дараагаар зөөлөн алчуураар арчаад контр өнгө, нэмэлт наалт чимэглэлүүдээ эцсийн байдлаар хийнэ.

Будаг болон чимэглэлүүдээ хийж дуусаад шаардлагагтай гэж үзвэл лакдаж болно. Энэ нь машиныг төгс харагдуулхаас гадна элдэв бохирдлоос хамгаалдаг.

Эцэст нь дугуйгаа угсрах бөгөөд дугуй чинь гол хадаас болон их биетэйгээ сайтар зохицолдон чөлөөтөй эргэж байгааг шалгах хэрэгтэй.

Хэрэв дугуй чинь гол дээрээ чөлөөтэй эргэж  байвал гол хадаасаа их биетай сайтар барицалдуулан наах нь зүйтэй..

Эцэст нь өөрийн Дүдү машиндаа зориулан хаягдал хайрцаг, кардон цаасаар бяцхан зөөврийн гараж хийхийг зөвлөе. 

Уралдаанд чинь амжилт хүсье.