DUDULAND цэцэрлэгт хүрээлэнгийн 50 хувь нь ногоон байгууламж бүхий зүлэг, мод, бут сөөг байх ба үлсэн хэсэгт Баруун, Зүүн, Хойд, Өмнө гэсэн дөрвөн бүсэд хуваагдан тус бүсүүдийн онцлогт тохирсон тоглоомын талбай, үйл ажиллагааны хэсгүүдийг шингээсэн байна.

Жишээ нь: Баруун бүс нь өндөрлөг уул нуруудтай учир ханах хад, бартаат замын дугуйн талбай, төөрдөг байшин гэх мэт адал явдалт үйл ажиллагаанууд байна.

Хойд бүсийн хэсэгт задгай театр, усан оргилуур, хиймэл нуур байна. Өмнөд хэсэгт элсний волейбол болон экологийн боловсрол олгох үйл ажиллагаанууд явагдах бол зүүн бүсэд хөл бөмбөг, сагсны талбай, газрын теннисний орчин үеийн стандарт талбайнууд байх юм.