Дүдү явуулын кино театр хөтөлбөр нь хүүхэд багачууд, өсвөр үеийнхэнд амьдрах ухааны хэрэгцээт мэдээ, мэдээллүүдийг сонирхолтой хэлбэрээр үнэ төлбөргүй хүргэхээс гадна “Миний тоглоом чиний тоглоом” аяныг давхар зохион байгуулах юм.

Уг аянаар дамжуулан эмзэг бүлгийн хүүхэд багачуудад болон алслагдсан сум, дүүргийн цэцэрлэгүүдийн тоглоомын санг арвижуулах зорилготой.

 “Миний тоглоом чиний тоглоом” аяны хүрээнд цуглуулсан тоглоомуудыг алслагдсан гэр хорооллын, эмзэг бүлгийн хүүхэд багачуудад тараах ажлыг тухайн нэгжийн засаг захиргааны байгууллагуудтай хамтран зохион байгуулна.

 Тайлбар: Тоглоом цуглуулах ажлыг Улаанбаатар хот болон орон нутгуудад тогтмол зохион байгуулахаас гадна гадаадад сурч, амьдарч буй Монголчуудаар дамжуулан “Миний тоглоом чиний тоглоом” аяныг өргөжүүлэн өргөн хүрээнд явуулах бөгөөд цуглуулсан тоглоомуудыг сайн дурын залуучуудын тусламжтай ангилж ялгах ажлыг сард 2-оос доошгүй удаа зохион байгуулж байна.

Цуглуулсан тоглоомуудыг ихэвчлэн хөдөө орон нутгийн болон алслагдсан хороо, дүүргийн цэцэрлэг, ясли, бага ангийнханд хүргэх зорилт тавин ажиллах бөгөөд тайлан мэдээг тогтмол ТВ, радио болон фото зураг хэлбэрээр гарган танилцуулж байна. www.dudu.mn дээр тусгай нүүр нээж хөтөлбөрийн үйл явцыг гадаад дотоодод сурталчилан мэдээлж байна./

Эвдэрч гэмтсэн тоглоомуудыг сургуулийн хөдөлмөрийн багш нартай хамтран ахлах ангийнхний хөдөлмөрийн хичээл дээр засаж сэлбэх ажлыг зохион байгуулна.